Bea Alonzo gi-unfollow si Vincent Co sa Instagram

Mura og dili na gyud madayon ang dream wedding nga gi-plano sa aktres nga si Bea Alonzo ug ang negosyante nga si Vincent Co.

Daghan usab ang nagtuo nga andam na sa pagsugod og bag-o nga chapter sa iyang kinabuhi si Bea nga wala si Vincent, human niya gi-unfollow ang negosyante sa Instagram.

Gani, mibalik na si Bea sa taping sa iyang bag-o nga teleserye nga “Whispers from Heaven.”

BASAHA PUD NI: Bea Alonzo miatras sa iyang kasal tungod sa 3 ka ‘Chinese rules’: Tinuod kaha?

Kun mahinumduman, gihunong una ang taping sa maong teleserye samtang nangandam si Bea para unta sa ilang kasal ni Vincent sa Spain sa buwan sa Mayo. Apan wala kini madayon.

Matud pa sa mga chika nga nahimong rason sa pag atras ni Bea sa ilang kasal ang ilang prenuptial agreement.

Sa pagkakaron busy na usab si Bea sa iyang mga trabaho ug mga bag-o nga proyekto.

Karong bag-o lang, gibandera ni Bea sa social media ang hulagway sa iyang opisina. Makita siya nga nag gunit og usa ka tasa nga kape samtang ga-atubang sa iyang laptop.

“A little office day, a little something cooking, and yes, the poses were part of the agenda,” sey ni Bea sa maong post.