Maris Racal spotted kauban ang mystery man: Luma-lovelife?

Mura og nahigugma na pag usab ang award-winning actress nga si Maris Racal.

Gi-istoryahan karon sa social media si Maris human siya masigpati kauban ang usa ka foreigner nga gituohan sa mga netizens nga usa ka espesyal nga taw sa iyang kinabuhi.

Karong bag-o lang, mikatap sa X ang hulagway ni Maris human mo-post ang usa ka fanpage og “WHO’S THAT GUY, MARIS??? Namataan ang aktres na si Maris Racal kasama ang isang non-showbiz foreigner na hinihinalang boyfriend niya.”

BASAHA PUD NI: Maris Racal on being a fur mom: ‘He saves my sad days’

“Agad itong naging usap-usapan sa social media matapos kumalat ang kanilang mga larawan na magkasama.”

WHO’S THAT GUY, MARIS??? 👀🫣Namataan ang aktres na si Maris Racal kasama ang isang non-showbiz foreigner na hinihinalang boyfriend niya. Agad itong naging usap-usapan sa social media matapos kumalat ang kanilang mga larawan na magkasama. #MEGAkapamilya #MarisRacal pic.twitter.com/g4gqaol7Di

— Mega Kapamilya (@MegaKapamilya) July 11, 2026

Sa usa sa mga viral photos, makita nga gatapad si Maris ug ang maong lalaki sa mura og usa ka waiting lounge.

BASAHA PUD NI: Maris Racal on affair with Anthony Jennings: ‘I’m so embarassed’

Gatalikod ang lalaki samtang makita ang dagway ni Maris nga ga-smile kaniya.

Sa laing viral photo, makita ang duha nga mura og naa sa usa ka pampubliko nga sakyanan.

Tungod sa paglugwa sa maong mga hulagway, nagkalain-lain ang mga istorya nga nanggawas online mahitungod sa mga kalambuan sa kinabuhi sa award-winning actress.

Apan sa pagsuwat ning maong balita, wala pay giluwatan nga pahayag si Maris mahitungod sa mga viral photos kauban ang iyang mystery man.

Nanggawas ang maong mga hulagway pipila ka adlaw human mipadayag sai Maris sa iyang kalipay sa pagdaug sa iyang kanhi hinigugma nga si Rico Blanco sa iyang unang acting award sa 9th Eddy Awards (The Eddys) sa Society of Philippine Entertainment Editors (SPEEd) niadtong July 5 sa Pasay City.

Sa maong kasaulogan nakita nga nagkauban pag usab ang duha human sila magbuwag niadtong July 2024.

Sa susamang higayon, gipili si Maris isip Best Actress para sa iyang coming-of-age film nga “Sunshine,” samtang napili si Rico isip Best Supporting Actor para sa “Manila’s Finest,” kauban si Will Ashley sa “Bar Boys: After School.”

“I’m very happy for him. Nakakatuwa dahil matagal na niyang gusto umarte. And now he has an award for it. I am genuinely happy for him,” matud pa ni Maris sa iyang interview human sa awarding ceremony.

Unang nagka-ila sila si Maris ug Rico niadtong December 2018 ug gipahibaw nila sa publiko ang ilang relasyon niadtong May 2021.

Niatong July 2024, atol sa Star Magic Spotlight press conference, gipahibaw ni Maris nga ga-buwag na sila ni Rico, apan iyang gi-klaro nga walay third party sa ilang breakup.

Human sa pila ka buwan, nalambigit si Maris kang Anthony Jennings, nga niadtong panahona naa pa sa usa ka relasyon kauban ang content creator nga si Jamela Villanueva.